Pages

Senin, 26 April 2010

Kata Sambutan dari Penasehat

 
PESTA BONA TAON PUNGUAN POMPARAN NI DATU PANGGANAGANA ANAK NI NAMORAHIAN BORU DOHOT BERE SE-JABODETABEK
Di GEDUNG DEPSOS BEKASI TIMUR
Jakarta, 31 Januari 2010


KATA SAMBUTAN SIAN PENASEHAT
Drs A L Tobing

Puji-pujian ma tapasahat tu Amanta Pardenggan Basa i, ala didongani do hita boi hipas-hipas  pajumpang di Bona ni Taon on. Marpungu do hita nuaeng Pomparan ni Op Datu Panggana-gana na sian Simanampang, laho manghamauliatehon angka pasu-pasu naung tajalo sian Tuhanta, i ma pasu-pasu hahipason, parngoluon , parianakkonon, dohot lan na asing.
Mauliate ma pinasahat tu Panitia naung loja laho mempersiaphon  Pestanta sadari on, jala mauliate ma pinasahat tu sude ruas ni Punguanta dohot tu sude pomparan ni Ompunta, tarlumobi ma tu hamu Amanami/Inanami  undangan nami.
Songon penasehat iba, di utus Panitia laho mandok hata, laos dipangido nasida asa patorangon taringot tu Tarombonta.

Paboahon Tarombo dimulana i Tona do. Na dihatahon  natoras tu pomparanna. Dung pe ro hamajuon asa boi disurathon. Dang sai sude cerita ni ompunta na boi sahat tu hita nuaeng. Alai khusus taringot  Ompunta Datu Panggana-gana adong do tona ni angka ompunta na di Simanampang.    Ia tona i songon on ma:

Ia Ompunta datu Pangganagana Lumbantobing magodang ditabu-tabu do, tubu ni ina Boru Siahaan sian Lobu Siregar, ina panoroni  pardihuta (tungganeboru)   ni Namorahian Lumbantobing. Na dangol do ompunta on. Laho do tu Barumun ala datu bolon ibana, jala laos mambuat boru do disi. Mangihuthon tona ni angka ompunta na di Simanampang, siluluan do pinomparna na di Barumun i, jala molo mangalului ingkon boanon do piso ni Datu Pangganagana, na binoan ni pinomparna na tu Simanampang, ai tinggal do sarungna di Barumun, dang boi holan laho boti, jala molo umbuk do piso i tu sarungna, nasida na mameop sarungna i ma toho haha anginta.

Dung monding pardihuta ni Namorahian na parjolo, i ma boru Simare  na   manubuhon
Raja Ijae, Bonandolok dohot Parumarea, mambuat boru ma muse Namorahian ima boru Siahaan sian Lobu Siregar songon panoroni, alai tingki  ditabu-tabu (dibortian) dope Datu Pangganagana monding ma Namorahian. Na dangol do ninna Ompunta Datu Pangganagana on.  Laho do Datu Pangganagana  tu Barumun (Tapanuli Selatan) laho mandatui, jala gabe mambuat  boru disi jala adong do pinomparna disi.  
Di Tarombo ni Lumbantobing na di Simanampang, ia  pinompar ni  na di Barumun i  laos dibahen do Op Barumun, ai so jumpangsa dope pinompar ni Op Barumun i. 
Asa tolu ma pinompar ni Datu Pangganagana, i ma:
Ompu Nangon  pomparanna na di Simanampang,
Op Lampas      pomparanna tinggal di Parbubu Pea ,
Ompu Barumun pomparanna na tinggal di Barumun.
Adong do piso ni Datu Pangganagana  dipeop par Simanampang , jala sarungna dipeop na tinggal di Barumun.  Jala molo mangalului pomparan ni Datu Pangganagana na di Barumun i, ingkon boanon do piso i , jala paumbuhon tu sarungna. Molo umbuk do, ba namameop (nampuna) sarungna i ma na toho  dongan tubunta. Molo so umbuk do nang pe mangoku nasida,  dang tarjalo hita i, i ma tona ni angka ompunta  na di Simanampang.

Arga do tona ni angka Ompunta i. Ai ndang tonahononna tu hita na so tingkos.
Jadi molo tarombo na adong di Simanampang: Opat do anak ni Namorahian ima :
1. Op Raja Ijae,
2. Op Bonandolok ,
3. Op Parumarea, i ma tubu ni ina parjolo.
4. Op Datu Pangganagana,  i ma tubu ni ina Boru Siahaan sian Lobu Siregar.
Tolu ma anak ni Datu Panggana-gana ima :
1. Op Nangon , ima na umpompar par Simanampang.
2. Op Lampas, ima naumpompar na tinggal di Parbubu.
3. Op Barumun ima na tinggal di Barumun. 
Dua ma anak ni Op Nangon i ma :
1.    Op Humorna (Par Hutabagasan, Sosor Gareja dohot Sosor Tambinsu)
2.    Op Pangajian (Par Hutajulu)

Jonok ninna partubu alai jonokan do parhundul. Songon i do pinompar ni Op Lampas di Parbubu. Ai molo adong pe ulaon di nasida najolo dang apala dijou be hita tu Simanampang, jala molo adong pe ulaon di par Simanampang dang apala dijou be dongan tubu na di Parbubu. Ala parhundul nasida donok tu Op Raja Ijae, gabe domu do nasida, jala  gabe pinompar ni Op Raja Ijae do dibahen nasida Op Datu Panggana-gana. Alai ianggo par Simanampang, hot do ia Datu Pangganagana anak ni Namorahian.
Dang adong mardua tarombo di Simanampang, molo tung adong pe na gabe asing diboanhon  di pangarantoan do. Lapatanna, ala ni angka pangarantona do umbahen na adong pinompar ni par Simanampang mangihuthon na masuk pomparan ni Op Raja Ijae.

Boasa adong pangaranto ni par Simanampang manimbil sian tona ni ompuna?
Beha do partupa ni i?

Pinatorang ma tu hita saonari dohot na satingkosna olat ni nabinoto dohot na niantusan.
Di taon 1950-an dang piga dope pomparan ni Datu Pangganagana di Jakarta on. Ro ma Amanguda Jansen L Tobing tubu ni Ompungniba sipaidua , mangaranto tu Jakarta on sian Tano Jawa, ala nunga mangaranto tu tano Jawa Ompung i. Sanga do Amanguda Jansen on marsorangan di bagas ni Ibotonami mangulahi (namboruna) na muli tu marga Gultom sian Batunadua Pangaribuan.
 Mansai bajar dope uda Jansen on mangaranto, sekitar 14 taon. Dung lam magodang jala dung hot ripe ibana , sada halak na berwibawa do Uda Jansen on. Jala terakhir jabatanna i ma : Kepala Personalia Departemen Pertanian, andorang so pisah dohot Kehutanan. Sahat iba tu Jakarta on taon 1972, pajumpang ma iba dohot uda on, jala ibana nunga Ketua ni Punguan Pomparan ni Op Raja Ijae di Jakarta on. Sipatujoloon do Uda Jansen on, nang pe diparadatan nang pe di sinadongan.
Parsahat ni Abang Pungka Lumbantobing na tumodohon iba tu Jakarta on, laho mandapothon uda Jansen on do. Jadi parjolo do abang Pungka L Tobing umbotosa sian iba, naung pilit tarombo na binoanhon ni Uda Jansen. Sahat tu taon 1979   nunga   sekitar   4 periode uda Jansen gabe Ketua ni Op Raja Ijae di Jakarta on.

Hea do iba mangkatai dohot Uda Jansen taringot tu tarombo on, jala pandokna adong do ninna ibana Pomparan ni Op Raja Ijae di Simanampang, di luar pinompar  ni Op Nangon. Hape sasintongna dang adong. Sian i ma binoto ianggo partaromboon sedetail-detailna na di Simanampang dang diboto ibana.
Hea do ninna Abang Pungka mangkatai nasida taringot tu tarombo on, paboa na anggi ni  Op Raja Ijae do Datu Pangganagana, alai didok uda Jansen: ”beha do bahenon ai nunga sanga Ketua iba”, ninna.
Naeng ma bukaonnami persoalan Tarombonta on ditingki Ketua dope Uda Jansen, alai ro Uda Adarusman par- Cimahi tubu ni Ompung nomor tolu na mandok tu hami, “unang pola apala di masa haketuaonna on buka hamu, asi roha, ai dung persiun udami ekonomina pe cepat anjlok , jolo periodema”  ninna.
 Gabe hutunda hami ma dohot abang Pungka mambuka persoalan i . Hape, sian na so huduga hami, periode berikutna ketua ni Op Raja Ijae dipasahat ma tu si Bernat L Tobing anak ni apala Amanguda Guru Justin L Tobing.

Beha do parmasuk ni angginiba si Bernat tu punguan ni Op Raja Ijae?
Ai tingki di Hutabaginda Uda guru Justin natorasna maringanan, dang adong persoalan taringot tu tarombo on.
Sialana songon on do (cerita ni Abang Pungka L Tobing): Ia naeng mangoli si Bernat di Jakarta on , sanga do naeng pasahaton ni Uda Guru Justin  tu pomparan ni Op Somuntul , alai muruk ma Uda Jansen, “molo i do pillitonmu , ula ma ulam” ninna , ala ibana nunga Ketua ni Op Raja Ijae.  Jala pomparan ni ompung na solhot di Jakarta on hatiha i, i ma  Uda Jansen do.
     Ala gabe dipasahat do tu Uda Jansen  laho mangamai, tontu masuk tu Op Raja Ijae do antong, ala sedang ketua ibana disi. Dung pangolion  ni si Bernat do gabe  mangihuthon Op Raja Ijae Uda Guru Justin /br Simorangkir (Janda Kaya ).

Di parmonding ni Uda Guru Justin natoras ni Ir Bernat L Tobing, ro do angka natua-tua sian Simanampang. Alai didok inanguda boru Simarangkir (Janda Kaya) do ia nasida masuk tu Op Raja Ijae.
     Siala ni hata  i, mulak ma sude par Simanampang tu huta, didok nasida: “molo songon i do, dang jagal nami i “ (lapatanna dang ulaon nami i. )
Gabe tallong ma rencana penguburan , ai Ompu na asing dang adong na barani manjama, ai tangkas do diboto angka natua-tua di Tarutung, ia guru Justin L Tobing apala amanguda ni Guru Pingkir L Tobing ( apala angkang niba, i ma na dohot mambahen pernyataan ni par Simanampang di Buku Tarombo na disusun ni si Adniel L Tobing)
Ujungna dijou ma muse par Simanampang dohot janji na so dohonon ni hasuhuton  Pomparan ni Ompu Raja Ijae nasida. Tuat  ma par Simanampang muse, jala ujung ni pangkataion i, mardalan ma parjambaran songon na niihuthon ni par Simanampang. Ai aut sura dang songon i, tinggalhonon ni par Simanampang do muse. Alai diadopi par Simanampang do ulaon i.
 Secara kebetulan, baik si Halomoan, si  Bernat maupun si Viktor  apala anak ni Uda Gr Justin,  dang adong na boi ro di parmonding ni Amanguda Guru Justin.
Jadi Amang  nami St Gerhard , Uda St Marinus , dohot Abang Guru Pingkir do na gabe  hasuhuton disi. Cerita nama na sahat tu angka anak ni Uda Guru Justin i, pardalan ni angka parjambaran sian Inanguda i.
 Jala iba sandiri topet do marsingkola di PGSLP Tarutung tingki i, jala mananginagi do ahu di pintu ni jabu parrapoton i. Jala Amang Miduk L Tobing  pe ninna disi do, lapatanna diihuthon Amang Miduk do parrapoton/pangkataion i. (Dang masitandaan dope iba di tingki i).
Jala siala i ma umbahen na mansai mendukung Amang Miduk di na tapajongjong  Punguan ni Pomparan ni Datu Pangganagana anak ni Namorahian di Jakarta on, ai ro do amang Miduk di peresmian ni Punguan i, i ma Ari Minggu, tgl 29 Augustus 1982.
Di na masipatorangan Damang St Gerhard dohot dongan tubu na sian Op Lampas di parrapotan i, adong ma  sian pomparan ni Op Lampas mandok tu Amang songon on: “mangihuthon pandok ni dongan tubunta di Jakarta si Jansen do goarna, ia Datu Pangganagana anak ni Op Raja Ijae do“  ninna, jala dialusi amang ma: “ai ise huroha si Jansen i, anggingku do i apala anak ni Amanguda , dang umbotoan i sian ahu, na so diantusi do i “ ninna Amang mangalusi . “Jadi molo songon i, sada do hita hape”  ninna ma tu Amang, laos masijalangan ma nasida, i ma  cerita ni Amanta hami tu  ahu sandiri.
Asa jelas ma botoonta, ia dongan tubu pinompar ni Op Lampas, nunga tung leleng dang berkomunikasi be dohot par Simanampang  di Silindung. Jala menurut pendapathu, mulai sian tahun 1887 tingki Wakil Kepala Negeri Op. Jarunjung, dang apala masijouan be diparadatan, lapatanna molo adong Adat, nunga cukup na di Simanampang mangulahonsa, molo tung ro pe sian Silindung , undangan na ma. Ai banje do ulaon adat di Simanampang, ala dua ompu disi i ma:  Op Humorna dohot Op Pangajian. Molo di Op Humorna ulaon, ba Op Pangajian ma panamboli. Jala molo Op Pangajian marulaon, Op Humorna ma Panamboli. Molo asing sian i sada tingki na parpudi , ala ni pengaruh “devide et impera “ ni fihak na asing do. 

Di parmonding ni Uda Jansen di Jakarta on, dipangkataion mulak sian udean, mullop ma hata sian Lae (mangulahi) Marpaung pensiunan Letkol mandok: Ai beha do huroha tarombonta, ai mulak ahu tu Medan Lae Darianus L Tobing par Binjai selaku Ketua ni Punguan Pomparan ni Datu Pangganagana di Medan, mandok “ Datu Pangganagana anggi ni Op Raja Ijae do, dang anakna”, ninna. Gabe songon na timbul do ketegangan tingki antara  pinompar ni Op Lampas dohot iba, alai ala na baru berduka do saat i, gabe masiorom emosina be do, jala semufakat ma asa mangkatai taringot tu tarombo i di sada tingki. Jala laos dibuhul ma ari, di taon baru na ro hira 3 bulan nari , di bagas ni Bernat L Tobing. Jala namangkatai taringot tu tarombo i, holan pomparan ni Datu Pangganagana sambing do, dang dohot sian Op Raja Ijae.
Saut do pangkataion i di bagas ni si Bernat, alai ala adong angka  na so konsisten tu rencana semula dipangkataion, gabe adong do ketegangan di tingki i. Alana, ia dung sidung ma marsipanganon, pintor didok natua-tua sian pomparan ni Op Lampas ma: “Jadi dang pola leleng-leleng, taolophon ma na pomparan ni Op Raja Ijae hita ate!” ninna. Pintor jongjong ma iba dohot abang Pungka, hudok ma: “Mangihuthon komitmen semula, na laho mangkatai taringot tu tarombonta do ala adong perbedaan, dang laho mangolophon. I pe, molo naeng torushononta mangkatai, jolo ditarik ma hatana” ningku, ai angka na torop pe nunga marungut-ungut di pangkataion ni natua-tua i. “Antong, hutarik ma hatangki, anggap ma i na so adong”, ninna ma, gabe boi ma dimulai mangkatai. Mansai godang do argumen disi, jala dang konsisten nasida, ai ternyata pomparan ni Op Raja Ijae i ma si Professor do pembicara nasida maralohon Abang Pungka dihot Iba sandiri.
Didok si Professor : “Ai Op Raja Ijae do na pajaehon Datu Pangganagana, i do patuduhon anak ni Op aja Ijae datu Pangganagana” , ninna. Hualusi ma, dang holan Op Raja Ijae mangalehon tano tu Datu Pangganagana, Op Parumarea pe adong do dilehon di Siualu Ompu, nunga hea huida i, ningku. (Ai hea didok abang guru Pingkir, jala dipatuduhon tu iba,dang apala tanggap iba disi, ai binoto dang pomparan ni Op Paruma rea Datu Pangganagana. Ai aut sura marroha-roha iba rupani, da boi ma gabe ahuton niba tano i? Alai dang tusi laona) Nuaeng pe, molo toho do hita naeng manaringoti kebenaranna, ingkon terbuka do hita menerima kesemufakatan, molo tung adong annon na marasing sian na binoanhonna, ingkon disediahon ma dirina” ningku.
Pintor  ro ma pinompar ni Op Lampas i ma par Tomang  ( na marboru Simorangkir, lupa iba goarna), mandok:  “Manang na beha pe, sahat tu na mate, ianggo hami  pinompar ni Op Raja Ijae do!” ninna. Ba molo songon i do dohononmu, ai so kumoras hamu sian natua-tua nami na di Simanampang “ ningku. (Jala huingot na nidok ni angka natuatuanta, jonok partubu alai jumonohan do parhundul, tar songon i do dongan tubunta pomparan ni Op Lampas na tading di Parbubu, ninna natua-tua di Simanampang)
Ujung ni pangkataion, diputushon ma asa borhat utusan tu Tarutung,  laho managkasi. Sian pihak ni na mangihuthon par Simanampang dohot sian pihak ni na mangihuthon Op Raja Ijae alai pomparan ni Datu Pangganagana.

Borhat ma si Bernat Cs secara sepihak tu Tarutung , dang dipaboa tu hami. Dibahen ma parpunguan di Bagas ni si Bernat di Tarutung , jala dipillit nasida ma sian Simanampang na so apala mangantusi tarombo, asa mura pengaruhanna,  laho manaringoti tarombo i.
Dang utusan ni natua-tua di Simanampang na dohot i. Jala binoto ma, na marsangajo do si Bernat dang paboahon tu hami asa borhat tu Tarutung. Dang jujur ibana tu hami. Di videohon ma pertemuan i, di edit ma video i, jala di issuhon ma naung setuju par Simanampang, ai nunga adong utusan ni par Simanampang. Hape angka na so mangantusi tarombo do dipillit nasida.
Hape, sian semula ingkon dohot do hami sian Jakarta, ima si Pungka L Tobing manang Almudin L Tobing , dohot Amangtua Maringan L.Tobing manang abangna Mangala L Tobing, rap dohot nasida laho manaringoti tarombo i tu bona pasogit. Ianggo semula hata asa patiurhon do, hape sesungguhna niat ni si Bernat Cs, asa mangihuthon na di rohana i do, apala i ma mambahen so tajalo rohaniba.
Ala dang toho na ro tu pertemuan i utusan ni par Simanampang, alai pribadi do,  jala dang parbinoto  natua-tua na di Simanampang taringot tusi, jadi gabe mengambil sikap ma Natua-tua na di Simanampang, ima : Unang lam mampar angka pinomparta i, tubu ma di roha nasida laho pajongjong  tugu di Simanampang.

Tingki arisan di jabu ni si Mangasi L Tobing di Cijantung, tarboto ma ia Bernat Cs nunga “kampanye” di Jakarta on, dohot cara mamutar video naung di edit, pertemuan na di jabu nasida i di Tarutung, jala di issuhon ma, ia par Simanampang nunga satolop.
Ala kecurangan do pertemuan nasida i nietong, ro ma usul di tingki arisan na di bagas ni si Mangasi, di utus ma iba laho manangkasi natua-tuanta di Simanampang.
Borhat ma iba tu Simanampang, memang kebetulan naeng marpesta pamuli boru hami, gabe sada ni danggur dua na hona ma parlaoniba. Dibuat do sipanganon ni natua-tuanta di Simanampang, biayana i ma sian Punguan arisan Datu Pangganagana na di Jakarta jala dang pribadi iba na mambuat sipanganon i,  laho mangkatai tarombo i, jala marpungu do sude angka natua-tua na tolap mardalan termasuk ma Kampung Gerson na marumur 87 taon tingki i (Pahompu ni Raja Wakil Op Jarunjung).
 Di pangkataion i, dibahen ma tona nasida tu angka pinomparna, jala disuru ma iba manurat tarombo i, binahen ma i di atas kertas segel jala ditanda tangani angka natua-tua na di Simanampang ma. Dohot do natua-tua na so tolap ro tu parpunguan i martanda tangan disi. Jala hupaboa do diparrapotan i: “ia  ngiet nami  par Jakarta, asa ro hamu natua-tua nami songon utusan laho mangaresmihon punguan nami ima Punguan Pomparan ni Datu Pangganagana anak ni Namorahian di Jakarta”. Satolop ma nasida mangutus Ompung Demin L Tobing (Op Marni ) dohot Uda  Aston L Tobing (ama Tambor).

Ro ma Ompung Demin L Tobing (Op Marni ) dohot Uda Aston L Tobing (ama Tambor) mangaresmihon punguan ni Datu Panggana-gana anak ni Namorahian di Jakarta, i ma tanggal 29 Augustus 1982 di Gedung Sekolahan GKPI Rawamangun, jala dohot do Raja Miduk L Tobing pomparan ni Op Somuntul tingki peresmian i.
Dapot ma di tingkina, saut ma dipajongjong par Simanampang tugu i, jala disurathon Tugu ni Datu Pangganagana anak ni Namorahian.
Gabe sibor ma si Bernat Cs, jala diperkarohon  ma mar pengadilan. Dibahen ma Penggugat Bernat Cs,  i ma kelompok na mangihuthon Op Raja Ijae, jala tergugat Nurdin Cs ima na mangihuthon Datu Pangganagana anak ni Namorahian manang par Simanampang.
Ia kelompok Bernat Cs di dampingi Pengacara do, alai kelompok ni Nurdin Cs dang didampingi Pengacara. Sudah tentu terjadi ketimpangan, ai holan keyakinan kebenaran do modal ni par Simanampang mangihuthon tona na jinalona, hape di zaman Orde Baru aha ma na so boi bahenon ni parhepeng? Dang pola maol antusanta i. Jadi, talu ma di Pengadilan Negeri par Simanampang, alai naik banding ma par Simanampang , jala mangido bantuan LBH ma hami tu UI di Jakarta, jala koordinasi dohot LBH ni USU di Medan, laho mangurupi  par Simanampang , jala hasilna monang ma par Simanampang i ma Nurdin Cs, di Pengadilan Tinggi  Medan.
Naik banding ma muse Bernat CS kasasi, jala di Jakarta nama proses ni i, jala monang ma Bernat Cs.  Dung talu par Simanampang di Kasasi, hu upayahon hami ma muse Peninjauan Kembali, baru terbit dope undang-undang i, ala adong bukti otentik dapot hami i ma buku ni si Vergouyen tentang hukum Adat Batak dalam bahasa Inggeris, ai adong disi pas songon tarombo ni na di Simanampang i, na  terbit tahun 1930 an. Tarsurat do disi na opat anak ni Namorahian i ma: Op Raja Ijae, Op Bonandolok, Op Parumarea dodot Datu Pangganagana (Simanampang). Sangat teliti do buku on, ai dang dapot disi na salah cetak nangpe manurathon  hata Batak. Molo dibandingkon dohot cetakan di Indonesia ima terjemahan ni buku i Dr. Br Simatupang tu bahasa Indonesia , na  godang sala cetak , isara ni  Datu Pangganagana (Simanampang) di Buku Asli,  gabe tarsurat Datu Pangganagana (Simaungmaung) di terjemahan.
Na nidok, ia ketelitian ni halak Bolanda laho mambuat gelar Doktor songon Vergouyen on, nunga marasing dohot Doktor ni Indonesia. Lapatanna, molo sedang persoalan do tingki i tarombo on, dang mungkin bahenon ni Calon Doktor ni Bolanda gabe contoh patorangkaon pardalan ni Adat Batak. Ai Tarombonta i ma di pangke si Vergouyen patorangkon sipatorangonna taringot tu parjambaran tingki Horja. 
Mansai mura do alus ni Peninjauan Kembali i, di jaman Orde Baru, jala dang pola maol antusan i. Ai didok alasanna, pendapat pribadi ni si Vergouyen do ninna tarombo i. Beha ma mungkin pendapat ni si Vergouyen i, hape disurat do disi dijalo sian pomparan ni Op Tuan Nahoda( Par Sait ni Huta do i).
Iba sandiri yakin, aut sura di Jaman Belanda perkara on, paulahonna do i tu Raja Adat, ala dang wilayah ni Hukum Negara mengatasi persoalan i, alai wilayah Hukum Adat do, jadi ingkon paulahonna do persoalan i tu Raja Adat.

Godang do jebakan bahenon ni naung manimbil i,  laho mambahen asa unang porsea tu Tona ni Ompunta i. Isarana na ro tu Iba songon on, didok Uda Jansen ma tu iba songon tudosan, songon on:
Molo mapeut halto tu sada porlak, tubu ma gabe bagot, bagot ni ise do i?” ninna. Ala dolidoli dope ahu di tingki i, nian ianggo tarombo on dang tumangkas di ibana sian di ahu nang pe naung matua (Ketua) ibana. Dang apala huboto dope mangalusi secara pollung (diplomat), alai hualusi ma:” Dang toho umpama (tudosan) mi Amanguda bahenon tu ompunta”, ningku mangalusi. Gabe hohom ma ibana. Alai aut sura saonari taralusan do mandok, ia ompunta na mengandung Dt Pangganagana denggan do di alap sian Lobu Siregar. Jadi ndang songon halto na disirithon ni bontarpudi ompunta i. Ai ianggo madabu sian bonana do tu toru laos tubu di porlak i dang sisungkunon i. Alai ala na disirithon musang manang bontarpudi do umbahen sahat tu porlak i, dang binoto bonana sian dia, i do na sisungkunon. Hape Ompunta Datu Pangganagana jelas do bonana i ma Boru Siahaan sian Lobu Siregar na nialap (pardihuta) ni Namorahian. Dang adong sisungkunon disi. Ai dang adong sian kedua belah pihak ni na marparkarohonsa, so marhatutuhon  ia Datu Pangganagana magodang di tabu-tabu do. (Tidak ada yang menyangkal bahwa Datu Pangganagana “magodang di tabu-tabu”)
Tinaringotan  ma jolo muse dung ketua ni Op Raja Ijae si Bernat L Tobing di Jakarta,  laos di lanjuthon do muse tu si Viktor L Tobing apala  anggina . Jadi mulai periode ni Uda Jansen, diuduti periode ni si Bernat, diuduti muse periode ni si Viktor, jadi  sian hita pomparan ni par Simanampang, na gabe Ketua ni Op Raja Ijae di Jakarta on, hurang lobi 36 taon.  Molo Uda jansen mansai malo (berwibawa) di paradaton manang Raja Adat do, alai si Bernat andul dao ditoruna do i, songon i do nang si Victor. Boasa pola ingkon si Bernat dohot si Viktor gabe ketua ni Ompu Raja Ijae di Jakarta ?
Beha ma tutu bahenon ni naung manimbil  i mulak tu hita? Sapala na maridi ba tonu ma ninna rohana ma. Gabe di devide et impera ma hita. Jala disundati ma Horja mamestahon tugu ni Datu Pangganagana anak ni Namorahian na di Simanampang i.
 Ai  dihallung Polisi dohot Tentara do tataganing, ogung dohot alat na asing, jala angka Natua-tua par Simanampang disarat-sarat ma tu Tarutung, dang dipardulihon angka tangis ni Natua-tua, ina-ina dohot dakdanak, jala na humansit di issuhon ma na PKI natua-tuanta i, asa adong alasan ni Polisi dohot Tentara terjun.
Polisi dohot Tentara manundati (menggagalkan) Horja naung tare parasoman, laho mampartahanhon Tona na jinalona sian angka  Ompungna, jala na ni haporseaanna, di daerah pelosok  huta Simanampang, salangkon  di  jaman penjajahan Bolanda pe, dang dung masa na songon on binoto. Hape dung mardeka hita di Republik Indonesia on, boi masa na songon i? Dang tarjalo roha i.
 Pola do ro dongan tubu sian Silindung khususna Pomparan ni Bonandolok i ma sian Op Sumurung dohot sian Ompu Somuntul laho pasahat si pir ni tondi tu par Simanampang, pa pir tondi ni pomparan ni Datu Pangganagana anak ni Namorahian.
Dang kuat angka natua-tua bertindak (songon na kalah perang) mampartahanhon tugu na pinajongjongna i, ala bingung jala frustrasi nasida. Jala dibongkar ma tugu na pinajongjong ni natua-tuanta i. Sitarapan do ditogihon sian [enjara Tarutung laho mangarupakkon Tugu i, ai dang barani (dang pulut roha ni) Polisi, dung jolo disuntik dohot zat kimia.
 Ia pajongjong tugu i, na gotong royong do angka natua-tua, naposo, dohot dakdanak, di hunti do rihit sian rura, dihali jala dihunnti do batu sian dolok Sitarindak, jala dihunti do simin sian Tarutung, dikocok nasida rihit dohot simin, jala tangan nasida pajongjongkon tugu i. Beha , boi do tabayangkon arga ni tugu i di nasida? Dang rupiah argana, alai moral, identitas, roha, tenaga, hodokna, dna. Beha do antong pangantusionta disi?
Jala sahat tu saonari effekna sangat negatif do tu pendididkan ni dakdanak, mentalitas ni angka natua-tua, ala bernit jala dangol situtu dihilala, dang boi mampartahanhon tona ni ompuna.

“Dipajongjong nasida tugu ni Datu Pangganagana anak ni Namorahian, da holan laho mampartahanhon tona ni ompuna do”.

Godang do na ro saonari di pesta on na menyaksikan cara ni aparat menggagalhon horja i. Frustrasi do angka natua-tua, naposo dohot dakdanak. Sian segi pendidikan tu dakdanak, godang do na sala tindakan ni dakdanak diloas natua-tua, misal na : Diloas do dakdanak mandangguri bagas ni Uda St Marinus (ala mangurupi Bernat Cs & polisi patudu dalan laho manggagalhon pesta i)  jala dipandok dakdanak i: “Eh , Marinus, holan ala ni ho ma gabe sundat horja nami, huhut di dangguri jabuna”. Dipasombu angka natua-tua do angka dakdanak i. Disi ma antusanta, da naung frustrasi do natua-tua nang dakdanak?
Jala pengaruh na sahat do tu nuaeng on, mansai mura do  nasida marsalisi, domu ma ala sai adong na mamola-mola manang mambahen de vide et impera. Sipata mura kompak, sipata mura marsalisi, tarida do i sian na masa tindakan nasida laho manegai jabu ni na diduga nasida parbegu ganjang (par Jae-jae didok nasida). Gabe di hurung polisi nasida  di penjara Tarutung. Habisuhon ni angka ompunta najolo dang tarihuthon nasida nuaeng.
Dang na pasalahon nasida iba, alai sude i napatardashon tu hita do, ima: ia masa pe angka i naparpudi on, ala ni pengaruh ni proses devide et impera ni na memihak tu Op Raja Ijae do. Asi do roha di angka natua-tua i, ala dang gabe bantuan mamang pembinaan na ro sian pangarantona, alai angka bola-bola dohot ela-ela do asa unang tarihuthonsa tona ni ompuna.
Ia angka pangaranto ni halak, laho membangun hutana do, hape  pangarantonta ??
Aha do naboi bahenonta? 

Arga do bona ni pinasa di angka jolma na marroha.
Arga do tona ni ompunta, ai sipaihut-ihuton ni angka pinomparta. 
 
Penutup:
Tubu ma dingin-dingin di porlak ni Janjimatogu
Horas ma tondi madingin, pir ma tondi matogu
Masiamin-aminan ma hita songon lampak ni gaol
Masitungkoltungkolan ma hita songon suhat di robean.

Nunga hupasahat tu hita Tona ni angka ompunta na  di Simanampang, ala sangat dipercayahon nasida tu iba laho patolhashon Tona i tu hita pinompar ni Op Datu Pangganagana anak ni Namorahian. Mauliate ma di hamuna ala olo hamu tumangihon, jala tung mansai lumbang do huhilala nuaeng ala adong kesempatan na balga songon on, i ma Pesta Bona Taon on, laho patolhashon i tu hita saluhutna. Horas ma!


                                                                              Jakarta, 31 Januari 2010
                                                                              St. Drs Almudin L Tobing

Mencari Solusi Penyelesaian Tarombo Lumbantobing

Mencari Solusi Penyelesaian Perbedaan Pendapat Tentang

SILSILAH LUMBANTOBING

Surat Himbauan

_______________________________________________________________________

Drs Almudin L Tobing

Molo manurathon tarombo hita, parjolo do tasurathon sian sijolo-jolo tubu asa tu pinomparna sahat tu hita, alai molo mangarisiki (menyelusuri) hasintongan na ummura do sebalikna. Hasintongan ni angka na masa na masirain-rainan (berkaitan) dumenggan do molo sian na masa saonari - sadariaon - nantoari - natoari sada – minggu na salpu- ulan na salpu – taon na salpu – sahat tu na galia. Alana lam leleng angka na hea masa, lam sosa manang mago do angka data na mendukung.

Molo maretong hita, hasintongan ni etonganta pe ingkon jumolo do taantusi na masibalgai - dung i pe asa manamba - mangorui - mangkalihon – dohot udutna - sahat tu logaritma – dst. Hasintongan ni tarombo pe, tumagon do telusuran sian na mangolu saonari asa tu sijiolo-jolo tubu.

Loas hamu ma jolo ahu mambahen tudosan (ilustrasi) asa mura ta antusi persoalan ni Tarombonta, songon on:

  1. Ala parjolo do tubu Damang St Gerhat sian Uda Guru Justin sian Inana manang Ompungku boru Panjaitan, jadi Angginiba do Ir. Bernat L Tobing, nang pe parjolo tubu si Bernat sian iba, ala sytem Patriahaat do Adat Batak. Tapatudos ma : Ala 4 > 3 jadi 4 - 3 = 1. Jolo taongkui do umbalga 4 sian 3 asa boi ta ulahon ulaon mangorui. Ai dang haoruan hita 4 gambiri sian na rade holan 3 gambiri rupani. Ala bilangan asli do sintuhu ni etonganta. (Karena semesta pembicaran adalah bilangan asli). Tar songon etongan ni na mamilagi gambiri dope, jala gambiri i pe adong do na boi bilangon jala hasintonganna pe mura do taantusi manang taongkui. Lapatanna: Ala adong dope mamang piga na mangolu hami angka pinompar ni Daompung, tontu sangat akurat dope tarombo niba dohot si Bernat.

  1. Ia si Maringan L Tobing anak ni ompung Bisman L Tobing mar-Amangtua do ahu tu ibana , ala mar Amangtua do amongku tu amongna. Tudos ma i dohot etongan 4 x 3 = 12. Ai molo ta ongkui do 4 x 3 = 3 + 3 + 3 + 3, dohot mamilangi gambiri pe mura do ongkuan hasintonganna.

Lapatanna : Mangolu dope hami nadua nuaeng, jadi dang adong sian na mangolu nuaeng na so mangokui na toho do na amagtuangku ibana. (Hape tingki Pesta Lumbantobing di Cilangkap, dibahen si Maringan nomor na nomor 15 , jala ahu si Almudin pe hubahen nomor 15, hape mar Amangtua do ahu tu ibana, boasa terjadi na songon i ? Annon pe nipatorang di tingkina)

  1. Ia Op Nangon ima angkang ni Op Lampas, ala ni i anggi partubu ni Pomparan ni Op Nangon do pomparan ni Op Lampas. Tudos ma i tu na maretong 4³ = 64. Nunga malelenghu patorangkon i dohot na mamilangi gambiri nang pe boi dope nian, alai ala nunga taantusi manamba-mangorui-mangkalihon- mambagi , dang pola sai dohot na mamilangi gambiri be patorangkonsa.

Lapatanna : Baik pomparan ni Op Nangon, maupun Pomparan ni Op Lampas dang adong na so mangongku. Molo sude do pomparanni Datu Pangganagana mangokui, ala ompu na asing pe ndang adong na haboratan, tatontuhon ma manang taongkui ma toho do i. Binsan sude mangokui tasurathonma i di hita be. Sotung adong be mamparsoalhon haduan na sihahan do pomparan ni Op Nangon sian pomparan ni Op Lampas.

Molo tatudoshon tu 4³ baca : opat pangkat tolu, nunga songon na pilit, ai na binoto angka na marpangkat angka Tentara do, pangkatna kopral, mayor manang jenderal. Beha do partupa ni i, 4 marpangkat 3, ba beha ma bahenon mamilangi gambiri mandalanhon i? Nunga be mulai abstrak, hira na homi pangantusion. Alai nang pe homi, ala sude do mangongkui, dang pola gabe parsoalan i ala dang mambahen parsalisian.

  1. Ia Datu Pangganagana magodang di tabu-tabu do, di siubeon ni Inana boru Siahaan sian Lobu Siregar dope ibana, monding amana Namorahian. Tudos ma i tu na maretong √ 64 = 8. Tung mansai maol jala dang tolap be patorangkon i dohot na mamilangi gambiri. Ai nunga godang siparhatutuon na so ni ida ni mata, na so dibege ni pinggol, na so daion ni sialap ingkau.

Behama mangalului bukti ni na toho do datu Pangganagana magodang di tabu-tabu. Angka na patuduhon semangatna do i, manang pamalo-malohon nama molo didok sahat tu negeri Bolanda pe olo do ahu mangalului hasintonganna. Ai molo laho pe ibana ala dang toho cara pembuktianna, marisuang do hepengna laho tu Bolanda.

Ai dang tarhaporseaan niba hasintongan ni √ 64 = 8, molo so niantusan dope ia 8 x 8 = 64. Lapatanna, jolo dung boi do ongkuan hasintonagan ni na manamba-mangorui- mangkalihon dohot marbagi, asa boi okuan hasintongan ni na mengakarkan bilangan. Ai salang hata batak ni „mengakarkan” dang tolap be mangkatahonsa.

Hahonaanna: Dang mungkin boi tarbuktihon na toho datu Panggana-gana magodang di tabu-tabu na sinuan ni Namorahian tu siubeon ni Ina Boru Siahaan sian Lobu Siregar, ai molo bukti dang sae holan ninna tu ninna. Antong beha nama?

Sidohonon niba, ala sude do mamparhatutuhon i, Pomparan ni Op Raja Ijae, suang songon i pomparan ni Bonandolok, nang Parumarea, tarlumobi pomparan ni Datu Pangganagana, na sintong nama i. Mardomu ala songon i do Tona ni angka natua-tua na ni haporseaan ni sudena.

` Jadi sahat tu na ni hataan on, dang pola be siselidikan. Ai tung sura pe dang tingkos rupani, tu aha pola persoalhononhon i. Isara ni Ilmu Ukur: Na sude do hita mangongkui ia molo adong dua gais sejajar tidak akan berpotongan, gabe toho ma i di hita.

Hape di ahli matematika halak Rusia boi do berpotongan ninna. Ala dang hea pola ni ikutan jalan pikiranna, jadi sai hot do dang berpotongan dua garis sejajar tadok.

Mangihuthon pangantusionku, sahat tu na mandok na magodang di tabu-tabu do Datu Panggangana na sinuan ni Namorahian, dang siparsoalhnonton be alana dang adong na so mengakui i. Ai hasintongan na terakhir sisongon on molo sude do hita mandok sintong. Lapatanna, aut sura olat ni cerita on sihataan, dang tubu persoaan di hita.

  1. Mangihuthon Pomparan ni Op Raja Ijae Ia Datu Pangganagana anak i Op Raja Ijae do, ala ”dipajabu” ninna ina Boru Siahaan ina na panoroni i, alai mangihuthon Op Parumarea anakna do Datu Pangganagana ala adong huroha manang piga halak mangukui, jala nasida be mambahen Datu Pangganagana anakna nomor opat. Ianggo on isara ni na maretong nunga songon ²Log 8 = 3 on. Dang haantusan hita logaritma on molo so boi ongkuan dapot ni etongan memangkatkan dohot mengakarkan bilangan.

Mansai maol do manjalo asa masuk di angkal, ai isara ni Matematika nunga songon ilmu ni halak Rusia i na mandok dua garis sejajar akan bertemu juga, hape na binoto dang berpotongan dua gars sejajar.

Lapatanna: Aut sura sude Lumbantobing satolop tu namandok anak ni Op Raja Ijae do Datu Pangganagana, na boi do i gabe toho dohonon, manang molo sude do Lumbantobing satolop na anak ni Op Parumarea do Datu Pangganagana ba na boi do gabe toho. Ai hasintonganni i, dang dapot be.

Molo masing-masing mampartahanhon pandapotna, sarupa ma i songon persoalan ni Matematika Eklides dohot Matematika ni Rusia nangkin na di persoalhon ni tukang parsadu, na gabe ”debat kusir”.

Alai manang na songon debat kusir pe i, siselesaihonon ni marga Lumbantobing do i, ai pengaruhna mansai balga. Ai gabe mangae do na sada, molo dipamonang na sada nari”.

Lapatanna: Ala sude do Lumbantobing marhatutuhon na adong persoalan on, ingkon sude ma Lumbantobing merasa na tugas bersama do on. Ala sude do hita satolop mangeahi na nidok ni Pslm : “Ulina i, denggan na i , molo sahudulan na mahaha maranggi”. Nian na didok na di Bibel ta i, na marhaha maranggi di Tuhan i do, alai laos boi do antong na marhaha maranggi di partubu laos marhaha maranggi di bagasan haporseaon di Tuhan Debatanta, ai sadalan do i.

Di hita pomparan ni Datu Pangganagana tarlumobi ma di hamu anggi doli pomparan ni Op Lampas di ingananna be, yakin do ahu sude do hita manghalungunhon denggan ni na marhaha-maranggi molo sahundulan dengan rukun, dang sahundulan alani paksaan. Dang lomo rohamuna ra molo mangae hami, jala dang lomo roha nami molo mangae hamu. Ai nantua-tua na di Simanampang pe, dirasahon do lungun muna i, lungun nasida do i.

Ahu mangkatindangkon, tung so hea do hubege dipangasahon nantua-tua di Simanampang na unsopar (tumorop) na di Simanampang sian na tading di Parbubu Pea, alai diholsohon do ia hahangginta pinompar ni Op Lampas na tading di Parbubu dang pola piga halak i, ninna do. Lapatanna lungun ni rohana do na tersirat disi. Jala memang nunga tung mansai leleng dang berkomunikasi efektif be nasida.

Mangihuthon pangantusionku, dung taon 1887 dang apala masijouan be angka na umpompar hita, boi antusan do i ala nunga adong Wakil Kepala Negeri di Simanampang sian hita Lumbantobing, lapatana nunga torop nasida. Ala hami na di Simanampang dua ompu, i ma Op Humorna dohot Op Pangajian, jadi molo di ompu nasada ulaon, ompu na sadanari ma panambol, songon i ma sebalikna.

Di hamu anggi doli, huroha diparborhat ni na umpompar hami tu Simanampang najolo, songon papir tondi nasida diboan do piso ni Ompunta Datu Pangganagana. Ala memang molo laho mambungka pangebahan manang parhutaan na baru najolo, mansai godang do paraloan maradophon hombar balokna. Ala parmusuon di najolo tung jebu do huroha.

Ai angka ompu na parjolo i, molo mambahen parhutaan sai di topi ni lombang rurus do, asa mura mambahen partahanan. Tarida do i, di parhutaan na jolo, di topi ni lombang rurus sambola, jala sambola nari di hali nasida do lombang mangkaliangi huta i. Ala tar songon huruf L leak ni Lobang i, ba songon huruf L na terbalik ma digali lombang, hira 7 meter lebarna jala 7 meter bagasna jala hira 1 km ma ganjangna.

Aut sura rupani songon kue bolu molo niseat 1 m (sameter) lombang i, ba 7 x 7 x 1 m³ = 49 m³ ma padat, manang sekitar 100 m³ ma molo ganggang. Molo 1 truk muatanna 10 m³, ba 10 truk ma sanseat. Jadi molo 1 km ganjang na ba hira 10.000 truk ma sibolongkonon na tano, asa gabe lombang.

Na naeng patorangon i ma, nunga torop nasida huroha, jala adong do na bisuk na berwibawa. Ai mangihuthon cerita, adong do pangulubalang ( na nipainumponna simbora na gurgur ala ni mohopna) jala adong do songon diplomatna (parpollung) jala adong Raja Huta. Lengkap do huta i marharbangan jala dihaliangi lombang na di suan buluduri di topi nilombang i, holan sian harbangan i ma na boi masuk tu huta i.

Dang holan di sada inganan sisongon i, ala marpinda-pinda do nasida, olo do i ala keamanan alai olo do ala ni na laho manggarap tano, ai molo huta naung ditinggalhonna, gabe tanona do, ala adong do tano na so apala tangkas nampunasa, masigulutan do huroha laos olo do marporang. Ala ni i do umbahen na disuani buluduri haliang huta i.

Nian di Silidung pe tong do marbulu duri angka huta, alai ala angka na mardongan tubu do hombar balok, pertahanan tu marga na asing do tarlobi di masa ni Monjo ujui.

Alai ala tar dao do dalanan tu Simanampang sian Silindung, nihilala dang holan ala ni Monjo umbahen na di bahen parhutaan songon i, dohot do ala parporangan tu marga na asing naung parjolo ro dompak habinsaran ni Simanampang, ai lobi tumardas dope tano molo laho hita tu Sipahutar- Aek Nauli, Pangaribuan.

Didok do di Silindung tu dolok molo tu Simanampang, alai ndada holan dolok disi, mansai bidang do na tardas tano, songon Siborong-borong rupani, alai godang tutu rura. Ai hira sarupa do timbo ni Siborong-borong dohot Simanampang, ngalina pe sarupa do.

Jadi kumoras do paraloan dihadapi par Simanampang sian na dihadapi dongan tubu na di Parbubu Pea pomparan ni Op Lampas, ala angka dongan tubu do na humaliangna.

Alai tutu molo gangguan alam gumodang ma dihadapi di Parbubu Pea, ai ala ni na dibaor aek godang do najolo parhutaan i, maup sude dohot angka pinahanna, umbahen na bungkas tu Simanampang.

Tung diboan nasida do cerita hahansiton i huroha tu Simanampang, ai molo marcerita natua-tua sai solot do cerita hahansitonna i. Huroha tung tangkas do dipaboa ina Boru Siahaan sian Lobu Siregar i tu anak na sihahaan ima Op Nangon hahansitonna i jala tolhas tu pomparanna. Iba sandiri pe dang apala sai nitangkasan hahansiton i, alai boasa ma sai solot cerita i.

Sidohonon muse tu hamu hahangginiba pomparan ni Op Lampas, ala ni na adong i piso ni Datu Panganagana diboan tu Simanampang, gabe songon legenda do cerita ni ompunta terpelihara turun temurun.

Ala nunga adong sekitar 225 taon na salpu laho tu Simanampang, jala sura do hira 150 taon dang masijouan be, na boi suraon do adong parpadanan di Pomparan ni Op Lampas dohot Op Raja Ijae na so parbinoto par Simanampang. Hira songon i do umahen na adong perbedaan ni tarombo di hita.

Dang tarpasala i, positip do i rimangan tagonan, alai ianggo pandok ni par Simanampang ala nang pe jonok partubu alai jumonohan do parhundul, na boi terjadi do i, ala hurang torop sapanganan songon sada kebijakan do i. Di sude luat do boi masa na songon i. Ai aut sura dang sogon i, dang mungkin berbeda tarombonta. Na jelas, lungun nami, lungun muna do, jala lungun muna lungun nami do. Iba sandiri pe dang mansai bagas mangantusi hinalungun manang hahansiton i. Aut sura tapabagas hahansiton i, mansai ganjang do suraon ceritana.

Molo sai martahan do hita di pandapotta be, ba songon „debat kusir” na nihataan nangkin ma hita, hape hita do na mangae.

Ua talului ma dalan na dumenggan, na sumangap, na so patubu hansit ni roha, sude nian boi marlas ni roha, gabe boi hita sahundulan dengan rukun. Molo sian ias ni roha hita mangulahon, patuduhonon ni Tuhanta do dalan di hita.

Hupatorang ma jolo saotik, hahansiton na mullop siala ni na digagalhon Horja na di Simanampang, tu hamu hahangginami pomparan ni Op Lampas. Songon naung huceritahon nangkin di na mamungka parhutaan dohot kehidupan na mangihut tusi.

Sasintongna aut sura rupani maga na asing na ro manggagalhon pesta i, isara ni marga Tambunan rupani sian Sigotom, ai ripashonon ni angka natua-tua di na di Simanampang do. Ala memang angka parburu aili do nasida. Ummaol do mangalo aili na mangamuk sian jolma na mangamuk. Ai marsiranggut dohot aili na mangamuk pe godang do na boi halak i, jala ingkon mangamuk do aili i asa mura dapot.

Asing do marburu aili na marbodil sian na marhujur. Jarang do dapot aili na so mangamuk, ai sai marlojongi do i. Ai molo mangamuk manang magalo aili i, adong do sian nasida martugas “panggora” pabahon naung mangalo ali i, asa hujur na i pertahanan molo ro aili i mangaromrom, ditahan ma dohot hujurna laju ni aili na manoro nasida asa laos masuk hujurna i.

Ai angka na poso na hurang mangantusi do mura-mura mamantomhon (mangalepashon ) hujurna, asa gira “pamunu” ibana, alai ala molo dilepashon hujur hape silpit hona aili i, pintor mangamuk do, ba holan piso nama partahananna. Jadi molo diromrom ibana ingkon boi do marsiranggut dohot aili i, adong do na hea mangalehon jari-jarina haraton ni aili i, asa sanga ibana manintak pisona laos maniham aili i tingki marsiranggut. Hitungan detik do sude i, per detik do kesempatan mamantom aili, jala ingkon penuh perhitungan do.

Aturan main ni parburu aili sangat rapih, dang boi adong parguru dok disi, lapatanna menjalankan demokrasi mereka matang, tegas, jelas, adil. Ai dang adong aturan na abu-abu. Aut sura adong parguru dok, olo do laos nasida masihujuran, ala ni ido, hot do paradaton i dipangke nang pe di parburuan. Lapatanna molo adong perbedaan pendapat, sai dipatujolo do angka natuatua paturehon. Ai sai adong do antong na mandok “ahu pamunu” lapatanna ibana parjolo mamantom aili i, mungkin perasaanna nunga hona aili i, hape dung di selidiki di diha ni aili ima hona, hape dang adong bogasna, ba olo do persoalan, ai perasaan na do nunga hona hape bekas panullangan dang adong.

Turun tangan ma na tumua menyelesaikan. Ai gabe “panduai” do na gabe “pamunu” molo dang boi dibuktihon na patudu “pamunu” ibana. Parbagi ni aili na dapotsa i pe, tung rapih do aturanna, di pamunu a uluna, dipanduai haehaena sada, di panolui , di pamutus , di panggora jelas do parbagianan na.

Na asing na so martohonan pe, di biang na jagoan pe , di biang panoropi pe, jelas do bagianna be. Sude do nasida puas ala hasil ni aturan naung dipatupa hasil ni demokrasi nasida naung mapan.

Nang pe loja nasida na marburu i, molo dapotan sai dipiring (dilehon saotik) do hahanggina na so dohot marburu. Ai Amongku ndang setuju tu parburu, “ai lalap dang diula porlakna dohot haumana”, ninna do. Alai sai dohot do iba mangallang jagal ai dipiring (dilehon) Udaniba.

Aha do na naeng dohonon dison, hubunganna dohot na digagalhon Horja i ma: Sasintongna dang pola maol di nasida maralo dohot polisi, apalagi di ramba-ramba an, apalagi sada tu sada. Laos mangalo tentara pe ra, anggo di tombak manang di ramba na potpot belum tentu talu nasida. Hape tentara dohot polisi do ro marratus-ratus manggagalhon pesta i.

Ianggo apala nanaeng dohonon angka amang, i ma dang ala ni tentara manang polisi umbahen so tiris mudar di tingki i, alai “ala na pinomparna sandiri do na manimbil, gabe di apus natua-tua i ma adorana, dipulos siubeonna” Boi do talapati hata i angka Amang dohot di hamu raja na manjaha?

Jala tasimak jolo saotik komunikasi ni na marhaha maranggi nasida songon on:

Ditingki dilehon Amanguda jagal hasil buruanna tu hami, didok Amang ma, “ allangi ma tano i, ho do loja marburu hape ahu do taboan mangallang jagal” ninna. Kejam do hilalaon, alai tong do muse dilehon uda i tu na ari na mangihut, jala tong do didok Amang hatana i “ allangi ma tano i, ho do loja marburu hape ahu do taboan mangallang jagal”. Loja do ninna uda mangalapati hata i, hape diantusi ma: “ ai na parimit-rimit do anakkonna hira tiap taon sorang, hape sai lao marburu, ba aha ma panganon ni gelleng ni Uda on haduan? Ai molo dapot pe aili, pagodang silompaon do i, ai tambaanna ma sidabuanna ala tamba laga mangan, ba hatop ma habis emena, haleonon ma haduan, dst”. Ala sanga do masa maburu setiap ari Jumat dohot Sabtu. Dung sadar Amanguda i di hata ni hahana i, dipaso ma na marburu i.

Sangat-sangat murni dope adat di angka natua-tua i di Simanampang, lapatanna tung togu dope pardatan i, suang songon i do togu ni Tona dihilala nasida lumobi ma molo Tarombo. Hape ingkon segaan ma i, ingkon paleaon ma, ingkon mangae ma nasida. Sangat dirusak pesta na gagal i do mentalitas nasida. Aut psikolog patorangkon on, tumangkas ma paboahon na tung mansai posa do i dihilala angka natua-tua i.

Ai dipajongjong nasida pe Tugu ni Datu Pangganagana anak ni Namorahian, so adong na nigulutna, dang hea digulut nasida tano na di Parbubu Pea, antong aha do? Dang asing sian : ”Holan na laho mampartahanhon Tona ni Ompuna do na sahat tu nasida”

Barani do hita amang pasalahon nasida?

Sala do Tona i, ai buktina ........, i do dohononmuna? Nunga pinatorang nangkin, isara ni dua garis seajar, adong na madok marpotongan, adong mandok dang mungkin marpotongan, hape aut sura ditelusuri jalan pikiran disiplin ilmu ni masing-masing na boi toho do i dohonon duansa.

Porlu botoonta hamu angka amang, na adong do mengambil keuntungan sian penderitaan ni angka natua-tua na di Simanampang i. Toho do hita na marhaha maranggi???? Ai dang lungun ni hahana lungun i anggina dohot sebailkna??

Nunga pasti, sipatureon do on, alai beha ma bahenonta?

Di hamu anggi Patubu nami pompara ni Op Lampas, dang adong ambisi pribadi ni iba sipanurat surat on, songon na ni issuhon ni nadeba, ala ni na giot ketua ahu ninna umbahen maralo ahu dohot si Bernat taringot tu tarombo on, palias ma i. Ai sahat tu saonari dang olo au ketua, asa terbukti asumsi ni na mandok i dang toho. Tung sude pe manggogohon ahu asa ketua, dang olo ahu. Dungi muse, ai apala angingku anak ni amangudangku do si Ir. Bernat, datung parjolo angka na asing masihauntungan sian si Bernat dapotan sian ahu, molo i do naginulut.

Alai marsangajo do ahu, na so adong sahat tu ahu hepeng ni si Bernat molo marlaok persoalan tarombo nang so ala tarombo pe tahe, ala tangkas huantusi nunga sala ibana mandalanhon tarombona.

Ala tung bagas do hupaihut-ihut partaromboon on. Tung sude artana dilehon tu ahu, molo songon i do cara penaganan menyelesaihon tarombo i, tung na so dapotsa do ahu, ala huantusi aha na masa haduan, lapatanna ala sega do haduan system kekeluargaan sogon saonari on. Ai dang sega diroha mu molo songon na nihataan diginjang nagkin: (Hape tingki Pesta Lumbantobing di Cilangkap, dibahen si Maringan nomor na nomor 15 , jala ahu si Almudin pe hubahen nomor 15, hape mar Amangtua do ahu tu ibana, boasa terjadi na songon i ? Annon pe nipatorang di tingkina), taida kutipan na di ginjang on? Ai gabe boha do haduan manurat tarombona be, marasing-asing hape na saompu- saama.

Hea do Amang si Sotaronggal mandok tu ahu : “ Nda ho ma nian bahenon ketua, molo masuk tu Parumarea ho” ninna. Jala yakin do ahu, Op Raja Ijae pe hira songon i do ra dohononna molo ni dapothon mangkatai.

Alai asing do ahu amang sian si Ir.Bernat, asing do sian si Jansen, asing muse do sian si Ir.Viktor manang sian si Drs. Maringan, boasa ? Unang dok hamu na benci, na marmusu manang marsalisi ahu dohot nasida, manang na so holong rohangku di nasida, ai Tuhanta do na umboto i, urusanku do i dohot Tuhan, dang sanggup hamu menilai i.

Jalan pikiranna, cara laho menyelesaikan persoalan ondo na so boi huterima. Ngietna laho padengganhon deggan do, alai cara penanganan na do na sala.

Jala ahu merasa bertanggung jawab padengganhon na sala na binahenna i, intap ni na tarbahen ahu.

Nasida be dang olo manangkasi tarombona langsung tu Simanampang, ai holan dirina do disarihon, olo gabe ketua nasida be di sada ompu na so sapandapot dohot angka na umpompar ibana.

Nda dao andul ma ahu marasing sian nasida?

Hupahusor-husor do di rohangku, boasa songon i korasna pandok ni Amang par Tomang na marboru Simarangkir (pomparan ni Op Lampas) mandok di tingki na mangkatai tarombo on hami di bagas ni si Bernat di Jalan Mongonsidi taon 1982.

Didok ibana, “ sahat tu na mate sai partahantononku do na pomparan ni Op Raja Ijae hami” ninna. Tung mansai leleng do sai hupingkiri on, boasa songon i koras na.

Hape natua-tua na di Simanampang pe tung mansai koras do mandok anggi ni Op Raja Ijae do Datu Pangganaana, lapatanna anak ni Namorahian do Datu Pangganagana.

Sama-sama pomparan ni Datu Pangganagana do hita hape asing tarombonta. Didia do permasalahanna?

Tauji ma jolo menyimak diskusi nami on dohot dongan pomparan ni par Simanampang na laho tu Op Raja Ijae, tadok ma jolo rupani Ir. Bernat Cs, songon on:

· Ro ma si Theo anak paduahon ni Uda Jansen manungkun ahu tingki di paradatan, ala hami songon Hula-hula jala songon Tulang jala songon Bona Tulang, ala tolu sundut ma hasuhuton on pamorouan nami. Didok tu ma ahu : „Ai di Parbubu do angkang kuburan ni Datu Pangganagana!”. Gabe beha ma huroha ningku, „ i ma antong buktina na pomparan ni Op Raja Ijae do Datu Pangganagana” ninna.

Hualusi ma, ai memang so Datu Pangganaana na laho tu Simanampang alai pomparanna do ningku. Ai so adong par Simanampang mandok na so di Parbubu hutanta, alai ingot ma ingkon Parbubu Pea do dohonon, dang sae holan Parbubu, songon i do Tona ni angka natua tua di Simanampang. Ai molo Parbubu do dohonon, asing do i ningku, ingkon dohot do Pea na i. Dungi asing jalan pikiranmu, “ ai dang parmonding ni jolma mambahen tarombo, par tubuna do”, ningku. Jadi rupani, molo mate ma jolo ahu di Inggeris, gabe halak Inggeris ma ahu dang halak Batak, ningku, gabe hohom ma ibana.

Husungkun ma muse tu ibana: Diantusi ho do lapatan ni Pea ? Dang diantusi ibana. Lapatanna : “rawa-rawa” ningku. Jala hudok: Molo di rawa-rawa kuburan, tahan do didok roham holi-holi hira 400 taon, hira so mungkin do i, ningku. Jadi sura do diroha ndang apala tempat i be kuburanna ningku. Alai dang adong na mamparsoalhon i par Simanampang, ningku ma. (Lapatan ni na hudok: Molo dibahen par Simanampang pe tugu ni Datu Pangganagana di Simanampang, asal ma unang didok kuburanna, dang pola sala i, ai parningotan do i. Ai Tugu ni Sisingamangaraja pe adong do di piga inganan, alai molo didok kuburanna tontu holan sada do).

· On ma jolo Abang, ninna muse: “Ai Op Raja Ijae do na pajaehon Datu Pangganagana” ninna. Gabe boha ma huroha molo songon i, ningku ma. “ I ma antong buktina na anak ni Op Raja Ijae do Datu Pangganagana” ninna.

Hualusi ma: Hudok ma jolo tu ho, mungkin do di roham Namorahian pajaehon datu Pangganagana, ai di bortian dope? Atik na mangolu do manang dang, datung diboto Namorahian dope. Ai mate Namorahian, di siubeon ni Inanna boru Siahaan sian Lobu Siregar dope anakna Datu Pangganagana.

Jala beha do didok natua-tua tu hamu tarlumobi tu Abangmu si Sahat sihahaan muna, di tingki jumolo monding Amanguda nahinan? Didok natua-tua do tu si Sahat: “ho do na matean ama, ianggo angka anggimon dang matean ama i, ai adong do ho hahana na gabe Ama di hamu”.

Dang mandok asa gabe bapak muna si Sahat, tong do abang muna, lapatanna tanggung jawab selaku Ama dipasahat ma tu si Sahat abangmu, isara ni na maniop tongkat komando. Ala system patriahaat do adat Batak, nang pe mangolu Inanguda jabumu, ianggo komando Paradaton di si Sahat do, ningku ma. Jadi ingkon Op Raja Ijae do antong pajaehon, ala ibana nama Ama alai dang mandok na gabe among ni Datu Pangganagana Rj Ijae ningku.

Ai ndada olo ho gabe amangmu si Sahat, ningku. Hira boi do dapot angkalna berengon.(Ai na so apala tangkas do patriahaat i diauhon inanguda natoras ni si Ir. Bernat alias Janda Kaya, mambahen lam sursar tarombo on, hape diparmonding ni Amanguda i, amanta hami do na gabe suhut, pardabu ni jambar pe songon tarombo ni par Simanampang do dipadalan, jala diadopi par Simanampang do ulaon i)

· Didok si Letkol Saut L Tobing , SH, MH ma muse tu ahu, ala di siamunku do ibana hundul di parpestaan i: “ Ai boasa sai marbadai hita ampara” ninna tu ahu. Hualusi ma: Ai sadihari hita marbada, ai buktina dilambungku do ho ndi!

Alai sungkun-sungkun mi ma pabotohon na so diantusi ho persoalan alai diantoi ho”, ningku. “Olo ma jolo antong, ai holan par Simanampang do na mangantusi Tarombo ?” Boasa huroha dohononmu songon i, ningku.

“Songon iba ma jolo, molo adong na so niantusan sinungkun do amang niba” ninna. Husungkun ma ibana : “Ai di dia do huroha among mi” ningku, hape hoboto do nian. Di Kisaran, ninna burju. “Molo adong na hurang diantusi among mi, sungkunonna do amongna?” ningku. “Ba ido antong” , ninna ibana. “Ba di dia ma among ni among mi” ningku muse. “ Ba di Simanmpang” ninna ibana burju.

Hudok ma muse: “ I ma daboa, i do umbahen didok natua-tua, ‘molo tiris aek tu toru, tu ginjang do luluan hatirisanna, ndang tu toru’ ba sungkun ma nian tu Simanampang tarombom. Hape hamu asing, so jolo ditangkasi hamu ompumuna hape ompu ni halak diparhatutu hamu, ningku ma.

“Jadi, gabe beha ma hita?” ninna ibana. Hualusi ma: “ Terserah tu ho! Molo logika berfikir holan mangasahon utok-utok mu do bahenonmu, akan saya jawab: “ siapa lu siapa gua, kite same-same hidup di Jakarte, emang gua pikirin, tanpa gua kenal elu, gua juga hidup, elu juga hidup” ningku.

Alai, molo on do dipangke ho, huhut hutuktuk andorana, kata hatimu pakai, beha do na marhaha maranggi, ba marsiadu ma hita mambahen na denggan. Mari kita berlomba, siapa yang paling baik di antara kita, kau apa saya, ayo!” ningku ma.

(Hape nunga piga hali hami digora songon hula-hula naeng mandok hata panuturion di tonga ni mangajana. Tarsunggul ma ni hilala, sian na ni hataan nangkin. Ai hira diskusi di nipi pangkilalaan.)

Molo huposisihon diringku di tonga-tonga ni dua pihak na berbeda pandapot, jala ingkon sogon i ma nian bahenon molo laho menyelesaikan suatu masalah.

Nihabaranihon ma jolo angka Amang mandok, na di tonga-tonga do ahu di jalan pikiran on, asa huhatahon na boi hupingkiri penyelesaianna. Ai na so boi do angginiba si Bernat dohot si Viktor mambahen posisina di tonga-tonga, gabe rusak ma system kekeluargaanta.

Di hamu anggi partubu pinompar ni Op Lampas dohot pinompar ni Op Nangon na so apala sada dope pandapotta. Aut boi ma nian jolo taendehon ende on:

Godang dope siguruhonon mi, asa tudos ho dohot Tuhan mi

Sai tong na hurang hatigoran mi, so tuk dope haporseaonmi

Dirim sambing dihaholongi ho, dongan mu laos dihalupahon ho.

Dang tarulahon na mangula paiturhon tarombo on, ianggo so marondolan tu holong ni roha. Molo i do ondolanna, barani ma iba mangkatahon na di roha niba on:

Di hamu Hahangginiba, sude ma pomparan ni Datu Pangganagana. Unang ma masiuhuman hita, ai apala i ma na padangolhon hita. Ala manimbil na sada di roha ni na sada, molo masa sitaonon di na sada, sai olo do na sada nari padomuhon tu ala ni namanimbil i. Hape ise na manimbil, penilaian ni hita jolma do. Nunga godangan Kristen hita. Jadi tabahen ma di rohanta, dang adong hubungan ni sidangolon i tu Tarombonta i. Ai sisada pardangolan do hita. Jala ima motto di hita asa boi tiur Tarombonta on.

Di hamu angka Haha-anggingku, ta uji ma jolo laho berfikir positip, jernih, jala jujur.

· Didok Amang par Tomang na mambuat boru Simarangkir di jabu ni si Bernat taon 1982 songon na disurat diginjang i : “ Sahat tu na mate, sai na dohonon nami do pomparan ni Op Raja Ijae do hami”

· Natua-tua di Simanampang sampe dipajongjong nasida Tugu, jala dihunti rihit sian rura, dihali jala dihunti batu sian dolok Sitarindak, margugu manuhor simin, jala dihunti do i sian Tarutung, dikocok nasida rihit dohot simin laos tangan nasida pajongjong tugu i. Jala disurathon di Tugu i : Datu Pangganagana anak ni Namorahian. Dang hurang koras ni i sian na nidok ni amang par Tomang i. Tadok ma sama sama koras.

Unang ma jolo tapadomu dohot na marpengadilan i, ai dang jujur inon. Olo ma jolo hita manjalosa ate. Jala tarekam ma jolo dirohanta na mangihut on:

Ø Na dangol do ninna ompunta i ma Datu Pangganagana i.

Ø Dangol ni par Simanampang do na hurang torop dongan tubuna na tading di Parubu Pea i ma pinompar ni Op Lampas.

Ø Dang adong na ginulut ni par Simanampang isara ni tano na di Parbubu Pea.

Ø Dang pola diparsoalhon par Simanampang manang didia pe didok kuburan ni Datu Pangganagana.

Ø Boasa ulaning gabe asing tarombo ni par Simanampang sian na tading di Parbubu Pea?

Ø Nunga lobi marratus taon na so apala masijouan be di paradatan, pomparan ni Op Nangon na di Simanampang dohot pomparan ni Op Lampas na tading di Parbubu Pea.

Ø Cukup relatif dao do mardalan pat sian Simanampang tu Parbubu Pea.

Ø Op Raja Ijae do na „pajaehon” Datu Pangganagana.

Ø Op Raja Ijae do sihahaan anak ni Namorahian.

Ø Tung godang do diula Op Raja Ijae ulaon ni Datu Pangganagana, lumobi ma di na masa sitaonon.

Ø Alai adong do hira 30 taon sian par Simanampang ketua di Op Raja Ijae di Jakarta. Pomparan ni par Simanampng pe, diula do ulaon ni Pomparan ni Op Raja Ijae, di las ni roha songon i do nang di habot ni roha, tiru tu keadaan di inganan na be.

Ø Taparhatutu do ia Datu Pangganagana magodang di tabu-tabu ni Ina pardihuta (panoroni) ni Namorahian.

Ø Op Bonandolok sarupa do tarombo na binoanhonna dohot par Simanampang.

Ø Op Parumarea anak na do dibahen nasida Datu Pangganagana..

Ø Ingkon sangap do bahenon sihahaan niba.

Tadok ma jolo rupani dang adong na sala sian na di ginjang i nanggo sada pe, jala asa boi tarjaloroha tadok ma i ala ni angka holong ni rohana be do, ala ni keadaan manang ala ni parngoluon do umbahen songon i.

Antong beha ma padengganhon manang patiurhon tarombo on, unang adong na marhansit ni roha, unang adong na merasa mardosa. Unang adong na dipasala, ndang adong na dipaila, alai asa sude monang, sude dang maila, sude dang marungut-ungut, gabe boi sude Lumbantobing sahundulan dengan rukun.

Hita coba ma jolo mansimu-simu (memilah-milah), dia ma manang olatni dia ma na boi tatolopi bersama, andorang so sahat tu perbedaan ni angka pandapot. Saleleng so jumpang hita perbedaan pandapot i, jolo tatolopi ma jolo olat ni i, paima tabicarahon perbedaan i.

Tapaihut-ihut ma jolo marsasansimu-sansimu (setelah dipilah-pilah):

  1. Bapak dari Almudin yaitu St Gerhat L Tobing dan Bapak Ir. Bernat yaitu Gr Jutin L Tobing adalah kakak-adik kandung, dan lebih dahulu St Gerhat lahir dari Gr Justin., maka.
  2. Almudin L Tobing adalah abang dari Ir. Bernat L Tobing
  3. Drs Maringan L Tobing adalah bapaktua saya karena ayahnya adalah bapaktua dari ayah saya (Cuma di Pesta Bonataon Tobing se Jabotabek di Cilangkap dia memakai nomor generasi 15 dan saya juga memakai nomor 15, menunjukkan kesalahan akibat perbedaan pendapat)
  4. Op Nagon adalah abang dari Op Lampas, keduanya adalah sama-sama anak dari Datu Pangganagana, dan ada juga keturunan Datu Pangganagana di Barumun.
  5. Datu Pangganagana adalah masih dalam kandungan (magodang di tabutabu) dari ibunya Boru Siahan dari Lobu Siregar, ketika Namorahian meninggal.
  6. Datu Pangganagana adalah anak Namorahian menurut Lumbantobing yang tinggal di Simanampang demikian juga menurut pomparan Op Bonandolok.
  7. Datu Pangganagana adalah anak Op Raja Ijae menurut pomparan ni Op Raja Ijae.
  8. Datu Pangganagana adalah anak dari Op Parumarea menurut Op Parumarea.
  9. Datu Pangganagana adalah marga Lumbantobing.
  10. Datu Pangganagana adalah orang Batak.

Ada sepuluh pernyataan di atas, yang kita coba persoalkan :

  • Nomor 1, 2, 3, 4, 5, 9, dan 10 tentu tidak masalah, karena sema pihak tidak ada yang berkeberatan. Karena tidak ada yang berkeberatan tetang kebenarannya, maka pernyataan itu kita anggap syah. Dan sebaikya kita catatkan dulu. Jika ada persoalan berikutnya, jangan kita perdebatkan lagi pernyataan pada nomor tersebut.
  • Nomor 6, 7 , 8 masih dipersoalkan karena ada tiga pihak yang mempersoalannya yaitu:
    • Pihak Pertama : Keturunan L Tobing yang tinggal di Simanamang dan L Tobing keturunan Op Bonandolok.
    • Pihak kedua : Keturunan Op Raja Ijae dan pengikutnya
    • Pihak ke tiga pomparan ni Op Parumarea.

Bagaimana caranya kita menyelesaikannya, agar semua pihak dapat menerima hasil penyelesaiannya, tidak ada yang dipersalahkan, dan tidak ada yang merasa dipermalukan dan semua pihak atau semua Marga Lumbantobing merasa puas?

Kita coba menganalisa, kemungkian Hukum mana yang dapat menyelesaikanya:

1. Kita bawa ke pengadilan atau Hukum Perdata.

a. Karena hal ini menyangkut ”keyakinan”, bukan mengenai kepemilikan satu benda. Pada hal Negara menjamin kebebasan berkeyakinan, maka tidak boleh ada satu pihak yang memaksa pihak lain untuk tidak menjalankan silsilah yang diyakininya. Artinya, adalah hak azasi yang hakiki bagi sekelompok masyarakat untuk menjalankan Tona tentang silsilah, yang sudah beratus tahun berlaku pada keturunan yang bersangkutan.

b. Apabila kita simak pernyataan berikut:

i. Ada keturunan Op Lampas menyatakan : ” Sahat tu na mate pe, sai na dohonon nami do hami pomparan ni Op Raja Ijae

ii. Dengan cara lain : Keturunan Lumbantobing yang tinggal di Simanampang mendirikan tugu yang dituliskannya Tugu Datu Pangganagana anak ni Namorahian.

Kedua pernyataan diatas mewakli dua kelompok, yaitu kelompok Op Raja Ijae pomparan ni Op Lampas dan pengikutnya, dan kelompok Pomparan ni Op Nangon khususnya yang tinggal di Simanampang dan Pomparan ni Op Bonandolok.(Sementara jangan kita masukkan dulu tetang kelompok lain).

Dengan membawa persoalan ini ke Pengadilan Hukum Perdata, maka ada yang menuntut dan ada yang dituntut, atau ada yang menggugat dan ada yang digugat. Andaikan menang satu pihak, apa akibatnya? Tentu ada yang bersukaria atas kemenangannya itu, dan ada yang sangat menderita karena kekalahannya, atau yang menang bersuka ria dan yang kalah menderita. Maka tidak ada lagi kemungkinan tercapai cita-cita semarga yang sering dikumandangkan yaitu:

”Denggan na i, ulina i, molo rap sahundula na marhaha-maranggi”

Mungkin ada yang mengatakan: Bukankah sudah ada putusan pengadilan tentang hal ini? Mengapa dikutak-kutik lagi ? Jawabannya adalah karena menyangkut keyakinan, tidak ada hak pengadilan memaksa seseorang apalagi sekelompok masyarakat untuk tidak menjalankan yang diyakininya.

Jika dipinjam istilah matematika, semesta pembicaan yang di masalahkan bukan wilayah Hukum Perdata.

Adaikan batu atau pasir yang digunakan untuk membangun tugu yang didirikan di Simanampang itu terbukti misalnya diambil dari milik penggugat, maka lebih memungkinkanlah di perdatakan. Dan misalnya tergugat terbukti salah karena benar mengambilnya pasir dan batu dari milik penggugat, maka lebih masuk akal tugu itu dibongkar, dari pada disebabkan perbedaan keyakinan tentang silsilah itu, karena keyakinan seseorang apalagi sekelompok masyarakat tidak boleh diperdatakan.

Fisik tugu itu boleh dibongkar, akan tetapi dapatkah keyakinan keturunan masyarakat marga Lumbantobing yang tinggal di Simanampang dibongkar? Bahasa lainnya, jika tubuh seseorang dihukum dapatkah rohnya dihukum ? Itukah tujuan dari Hukum Perdata? Jelas tidak!

Memang pihak Ir. Bernat cs memaksakan diri untuk membunuh keyakinan dari beberapa orang keturunan Lumbantobing yang tinggal di Simanampang, yaitu dengan menjalankan taktik ”de vide et impera”. Hasil taktik itu lebih nyata berhasil kepada orang yang mempunyai prinsip ”eme na masak digagat ursa, i na masa ba i ma niula”.

Pengarapannya dengan banyak cara, dapat melalui ”kebaikan”, dapat melalui ”sogokan”, dapat juga melalui ”ancaman”. Yang jelas akibatnya sangat-sangat buruk. Dan sulit diceritakan disini. Sebab hanya yang bijaksanalah yang mudah mengerti maksudnya.

Masalah berikutnya: ”Bagaimana nanti keturunannya menuliskan silsilahnya?” Karena orang yang berprinsip ”eme na masak digagat ursa, i na masa ba i ma niula” itu, tidak mungkin mampu memberitahukan dan meyakinkan seluruh keturunan Lumbantobing yang dari Simanampang ke seluruh dunia.

Prinsip seperti itu hanya mengnntungkan oknum saja, untuk mengambil keuntungan dari penderitaan orang lain. Semoga tidak ada satu orang pun dari marga Lumbantobing yang memegang prinsip itu.

Adandaikan dipinjam istilah Ibu Sri Mulyani, maka rasanya tepat sekali dikenakan kepada orang seperti itu : ”digolongkan dalam strata titik paling bawah”.

  1. Kita bawa ke Hukum Pidana?

a. Sangat beruntung bagi semua fihak , bahwa sekali pun digagalkan Hoja di Simanampang yang berhubungan dengan silsilah ini, tidak ada setetespun darah yang mengalir. Sebab masyarakat Simanampang dapat disadarkan oleh Orangtua-tua bahwa tidak boleh ada darah yang tiris karena keturunan sendirilah yang berbuat , maka ”apus ma andoram, jala pulos ma siubeonmu” katanya.

Jangan pikir mereka takut, sebab sebagian besar dari orangtua itu adalah pemburu (parbaburu aili dohot hujur, ai holan aili na mangamuk do na olo dapot), dimana hanya babi hutan yang mengamukah yang mungkin dapat, sebab bila tidak mengamuk, tidak akan dapat karena lari terus , kecuali jika pakai senapan. Rasanya jika dihadapkan satu persatu bererang dengan polisi di hutan sana atau di semak belukar, belum tentu polisi menang, sebab mereka trampil bergulat dngan babi hutan. Artinya seandainya marga lain dari desa lain yang datang menggagalkan, maka akan terlihat kematangan mereka dalam beruru, yang akan diterapkan teradap musuhnya. Maka tidak ada alasn membawa persoalan ini ke Hukum Pidana.

b. Akan tetapi perlu dicatat, bahwa apabila sekelompok masyarakat yang selalu

merasa tertekan dan ditekan, bukan tidak mungkin masyarakat tersebut mengembangkan pikiran yang sangat militan. Dan tidak baik jika dianggap remeh hal seperti ini, karena meyangkut hak azasi.

  1. Hukum apa yang lebih baik?

Karena hal ini menyangkut Adat, sudah tentu Hukum Adat yang paling tepat, alasannya ialah:

a. Hukum Adat yang telah beradaptasi dan selalu digunakan dalam kehidupan orang Batak, bukan tidak banyak masalah yang timbul di masyarakat Batak, akan tetapi kebijaksanaan Adat itu, dapat melebihi kebijaksanaan dari Hukum Perdata dan Hukum Pidana.

Bukan berarti hukum adat itu lembek, akan tetapi dapat juga sangat keras. Bayangkan oleh hukum Adat, jika seseorang atau satu keluarga dikucilkan dari Adat (”dipabali atau dipaduru sian Adat”). Seperti yang keluarga kami yang tinggal di Simanampang, dikucilkan dari adat (”dipaduru sian adat’) karena membantu fihak yang menggagalkan Horja itu.

Hanya yang dikucilkan itulah yang paling merasakan betapa pahitnya penderitaannya, sedangkan si pencipta ”de vide et impera” itu tidak merasakannya karena mereka di perantauan, menikmati keberhasilannya menggagalkan Horja yang disebut di atas itu.. Siapa yang paling menyayangi yang dikucilkan itu, apakah yang perantau tadi atau saudaranya yang tinggal di Simanampang? Hukuman itu masih diberlakukan sekarang, yang membuat penulis sangat prihatin.

b. Hukum Adat lebih ditujukan untuk mengatur tingkah laku berkeluarga, berkerabat dan bermasyarakat. Hukum adat berproses beratus tahun, berpuluh generasi, sampai diperoleh suatu keseimbangan dan kesemufakatan bersama, yang sama-sama diyakini membahagiakan dan memperbaiki keadaan. Walaupun titak tertulis, namun pengaruhnya sangat signifikan di dalam kehidupan masyarakat Batak. Banyak hal yang dapat diatasi Hukum Adat, yang sulit diatasi Hukum lainnya. Misalnya:

i. Dihadapan Raja Adat, perceraian suami-isteri pun dapat diatasi, dan kedua pihak yang berbeda pendapat atau berselisih dapat menerimanya.

ii. Dengan hukum Adat, peperangan sekali pun dapat diselsaikan dengan baik. Contohnya :

Pernah suatu saat terjadi sekelompok anak muda satu desa menyerang anak muda desa Simanampang, memang tidak banyak lagi anak muda karena pergi merantau atau sekolah. Maka terjadilah perlawanan berat sebelah. Mengingat anak mudanya sedikit, para orang tua yang ahli berburu itu pun turun tangan mengambil tombak (hujur) masing-masing.

Karena sipendatang itu ketakutan alias kalah, maka tidak sadar bahwa mereka ada yang terjerembab ke lembah. Dan orangtua kami telah siap untuk melepas tombaknya dari atas untuk membunuh. Untung si anak muda itu menyebut nama ayahnya yang pernah guru di kampung kami, maka selamatlah dia.

Penyelesaianya adalah sbb:

” Pihak si penyerang bersama orang tuanya atau Orang tua-tua sekampungnya, harus menjamu (mambuat indahan saur), yang biayanya dari si penyerang, namun mereka makan bersama di perbatasan kampung kedua belah pihak. Si penyerang tidak dihukum fisik dan tidak perlu dipermalukan, karena Orang tua-tua ada yang saling mengenal, dan yang diserang pun tidak terlalu menuntut karena masing-masing dapat diredam Orang tua-tua masing-masing pihak.

Dapat dijamin setelah selesai makan bersama dengan segala upacaranya, bahwa persoalan tidak akan berlanjut lagi. Segera masing-masing dapat martandang ke kampung lainnya, sebab bukankah anak gadisnya akan dikawinkan dengan anak muda desa lain itu? Semua kebijakan di dalam hal ini, mempunyai dasar moral yang kuat. Tahu persis Orang tua-tua jika tidak ada yang datang melamar anak gadisnya, maka kawin dengan siapa nanti anak gadisnya itu.Sebab tidak boleh dikawinkan yang semarga.

iii. Hukum Adat, mampu mengambil kebijakan agar dua pihak yang berselisih atau berbeda pendapat atau bermusuhan , sama-sama menang. Karena itulah penulis menghimbau agar Raja-raja Adat Lumbantobing, membantu untuk menyelesaikan persoalan ini, antar marga kita Lumbantobing.

  1. Mari kita selesaikan dengan Adat.

Jika ditanyakan saya dan saya sendiri yang menjawabnya:

· Tanya : Dapatkah persoalan kita ini diselesaikan? Jawab : Dapat!

· Tanya : Bagaimana caranya? Jawab : Tidak tau!

· Tanya : Siapa yang mampu? Jawab : Tidak tahu, sebab yang dicari itu haruslah:

1. Pintar/Cerdas

2. Punya kemampuan ekonomi

3. Bijaksana dan

4. Tidak ambisi

    • Tanya : Adakah marga Lubantobing yang mampu ? Jawab : Ada

· Tanya : Dimana? Jawab : Tidak tahu!

· Tanya : Masih Hidup ? Jawab : Tidak tahu

· Tanya : Apakah belum lahir ? Jawab : Mungkin!

· Tanya : Kapan? Jawab : Barangkali, satu atau dua generasi lagi.

Karena Visinya adalah : ” Uli nai, denggan na i, molo sahundulan angka na

marhaha-maranggi ”

Apabila bukan visi di atas yang akan dicapai, maka sangat tidak mungkin persoalan silsilah kita ini selesai. Sampai seratus tahun atau dua ratus tahun lagi, atau sampai keturunan kita tidak mengakui orang Batak lagi. Bukan tidak mungkin keturunan kita tidak mengakui lagi mereka oang Batak, karena mereka bingung. Saya yakin bahwa Ir Bernat tidak selalu meceriterakan persoalan ini kepada keturunannya, sebab terkandung di dalamnya perselisihan atau perkara, dan anak muda pun tidak terlalu perduli, apalagi dengan perkara seperti itu, sama halnya dengan saya yang tidak saya ceritakan sedetailnya kepada anak saya, karena mengandung persoalan yang kurang masuk akal mereka. Fakta di lapangan, bahwa anak saya dan anak Ir Bernat tidak ada yang saling mengenal. Mungkin tidak butuh seratus tahun, cukup puluhan tahun, keturunan kami tidak tahu lagi silsilahnya, sebab jika pihak yang berbeda menceritakan lebih dulu kepadanya, maka silsilah yang dibawakan bapaknya pun mungkin juga tidak dikutinya. Sedangkan ketika tidak ada persoalan pun, belum tentu mau memperhatikan silsilahnya, apalagi jika ada persoalan.

Di hamu angka Damang dohot haha angi, huroha tung tangkas do dopaboa Ina Boru Siahaan sian Lobu Siregar i, hahansitonna tu anakna sihahaan i dohot tu pinomparna i ma pinompar ni Op Nangon, i ma naumpompar par Simanampang. Tung diboan do huroha cerita hahansitonna i tu Simanampang, ai molo bercrita natua-tua di Simanampang, sai solot do cerita na mandok na dangol do Ompunta Datu Pangganagana.

Nihilala adong do hubungan ni i dohot parbagianan ni tano di Parbubu Pea. Ai anggo pandok ni angka natua-tua, ia hita sian Parbubu Pea do, jala dang sae molo dohonon sian Parbubu sajo, ingkon dohot do Pea na i. Ai molo didok holan Parbubu, asing do i, ninna. Jala tung so na margabus do iba mandok on, ala na songon i do na sahat tu ahu.

Ndang adong ambisi ahu angka Amang dohot di hamu haha anggingku, lapatanna dang adong na hugulut. Molo adong na mandok, asa ketua ahu ninna, palias ma i, ai saat tu saonari dang hea olo ahu ketua, asa terbukti na sala do asumsi ni angka na mandok na giot ketua iba. Tung sude pe manggogohon asa ketua ahu, tung so olo do ahu.

Mansai hansit do, jala dangol do huhilala molo hupingkiri wibawa ni angka Natua-tua na disegai, dihilangkan, ima angka natua-tua di Simanampang. Ai tung marlea do nasida dihilala nasida ala na digagalhon Horja naung tedek parasomanna. Terhilang do wibawa nasida, mansai rusak manang dirusak do mental nasida, jala apala na menyakitkan ima ala sian pomparanna sandiri do na mangaleai.

Na boi do dohonon, ianggo di ”dolok” an manang di Simanampang dan sekitarna, sangat disegani hian do Lumbantobing, alai na parpudi on, kehilangan wibawa do nasida ala sundat Horjana. Sangat marutang do nasida dihilala, tarlumobi ma tu angka Hula-hulana, ala sundat Horja hape Hula-hula nunga marroan tingki i.

Kepribadian, kebangaan berkerabat (isara ni bernegara ”kebanggaan bernegara”), kebanggaan ber-Marga Lumbantobing dihilangkan, dirusak oleh ”de vide et impera” ni kelompok Bernat Cs na mangihuthon Op Raja Ijae, gabe hira na dohot pomparan ni Op Raja Ijae mambahen songon i tu nasida. Sangat saya yakini, bahwa keturunan Op Raja Ijae aslinya, tidak akan mau berbuat seperti itu, apalagi angka ompunta siolo-jolo tubu.

Hape nian, sangap do di rohaniba Op Raja Iae. Jala dang pola adong binege na sai negatip cerita taringot tu Op Raja Ijae sian angka matua-tua na di Simanampag. Alai belakangan on, sangat dirasakan hansit ni pambahen ni na mangihuthon Op Raja Ijae, gabe di cap nasida ma perbuatan ni Op Raja Ijae i. Jala dang tarsalahon hita nasida disi.

Nihilala nunga margeser kebijakan ni Pomparan ni Op Raja Ijae najolo dohot kebijakan ni Pomparan ni Op Raja Ijae si nuaeng. Alai sai anggiat ma sala mangantusi ahu taringot tusi.

Tagonan do ahu nian bersifat positip , pambahen ni Op Raja Ijae tu Datu Pangganaganan,nang pe sai solot cerita ahansiton ni Datu Pangganagana. Alai beha ma bahenon ni iba mempertahankan sai bersifat positip, ala hansit ni natinaon ni Natua-tua nami, dohot na hutaon hami? Ise do mencuci otak ni pomparan ni par Simanapang? Tontu dang asing be, dohonon ma, i ma Pomparan ni Op Raja Ijae. Sai anggiat ma sala na hudok on. Molo na sala dugaanki, sai i ma tutu!

Alai sidohonon, nda tumagonan dope marsada pomparan ni Datu Pangganagana, jala hot anak ni Namorahian, ai na sinuan ni Namorahian do tu siubeon ni Inana Boru Siahaan sian Lobu Siregar Datu Pangganagana i?

Molo tung adong pe isarana parpadanan ni Op Lampas dohot pomparan ni Op Raja Ijae di Parbubu Pea, na so binoto ni par Simanampang, ala ni parngoluon manang ala ni na huang torop partubu, nda boi do hataan i di jolo ni angka Raja Adat ni Lumbantobing? Pola sala anggi doli Pomparan ni Op Lampas saotik mnengalah tu abang na naung heal manang mandate, ala ni na masa i?

Boi do angka Amang dohot hamu Haha-anggi rap monang hita sude bahenon ni Raja Adat. Dang adong pola sihailahonon ni Anggidoli pomparan ni Op Lampas molo mengalah saotik, dang hailaan ni anggina molo mengalah saotik tu hahana. Dang adong dalanna paksaon par Simanamang ingkon sai mangihuthon na nidok ni Op Raja Ijae, ai so holan Op Raja Ijae hahana, Op Bonandolok pe hahana do, jala Op Parumarea pe hahana do.

Pangantusionku angka Amang (menurut hemat saya) tung mansai ummura do jala sumangap do, molo Datu Pangganagana ditolopi hita sude anak ni Namorahian. Boasa?

  1. Ai na mungkin do adong najolo kesemufakatan manang padan ni Pomparan ni Datu Pangganagana sian Op Lampas dohot Pomparan ni Op Raja Ijae. Kesemufakatan i dang diboto par Simanampang. Jadi dang adong na tarsalahon hita disi.
  2. Ai beha ma dohononku manalahon amang par Tomang na mandok “sahat tu na mate sai na dhononnami do hami anak ni Op Raja Iae” ninna. Jala beha ma panalahonnon ni amang par Tomang , di sude Natua-tua na di Simanampang? Hape sude na pinarsoalhon on, nunga be “abstrak”. Holan keyakinan nama na membenarkan. Ala ni i, sude do boi toho.

Ai salangkon hita sandiri yakin anak ni Amongta be, ala ni keyakinan do. Dang hea jolo tauji “gen” asa tadok hita anak ni Amongta. Ai ari hatutubu ni iba pe, na dipaboa na asing do tu iba, ai so binoto iba tubu.

Unang loja hita mangalului bukti Ilmiah, dang mungkin boi dapot hita i. Tung sude arta ni Lumbantobing digadis laho mangalului bukti, unang be holan arta ni Ir. Bernat, tung so boi do buktihononhon i.

Tung so adong do ibamarta sian nanidok na “debat kusir” molo sai bukti lulanta. Salang rekaman suara ni na diduga korupsi tong dipersoalhon, hape mangolu dope halakna, ba lam beha ma ompunta najolo ditingki hira opat ratus taon na salpu?.

  1. Molo di jolo ni angka Raja Adat, anggap ma mangido “maaf” manang mangido “tolong” hita tu pomparan ni Op Raja Ijae, unang sai loja hita sude. Habis pingkiran, habis gogo, adong na marlea, masa masiuhum-uhuman tingki adong sitaonon, tung mansai dangol, loak do hilalaon.

Nihilala ndada tung juaon ni Hahadoli pomparan ni Raja Ijae pangidoan sisogon i. Tontu bangga do Op Raja Ijae molo nunga boi berdiri sendiri anggina na manja i, dang sai solot, manang sai gampit be. Ise na so las rohana molo anggina mandok manjae.

Dang sala dohonon manjae sian Hahaniba, ai nda tung mungkin Namorahian pajaehon Datu panganagana na di bortian dope. Tontu hahana siangkangan do pajaehon. Ai adat Batak patriahat do, jadi nang pe mangolu Inongna molo dung mate Amongna, hahana do mangkatahon hata ni Inongna i. Ai ndada masa ina-ina mangkatai diloloan.

  1. Dang hansit roha ni Pomparan ni Bonandolok disi, aha dalanna marhansit ni roha? Ala na niantusan nasida pe ingkon songon i do. Malah bangga ma nasida ala nunga boi hape anggina manjae. Jala nasida pe dibahen do di tarombo na anak ni Namorahian do Datu Pangganagana, dang anak ni Op Raja Ijae.
  2. Nang pomparan ni Op Parumarea, tarjalo roha nasida do i, alana tung beha pe ninna nasida, dang olo nasida marhahahon pomparan ni Datu Pangganagana. Jala nasida pe las do rahana disi. Ai tung sura pe manjae antong, datung gabe so ingoton angka na denggan na biahen ni Hahaniba. Ai tung sura pe dilinsing hahana anggina ianggo ala ni holong ni rohana do mambahen tu na denggan, dang sala i.
  3. Ahu sandiri secara pribadi, tarbahen ahu do mandok sangap do di ahu pomparan ni Op Raja Ijae, jala tung huhamauliatehon do angka na binahen nasida na olo mangurus pomparan ni Datu Pangganagana lumobi ma molo masa marsitaonon. Nian targoar na masurupan do i, ai ndang porlu pola berkecil hati disi, jala ingkon banggahononton do kerja sama i.
  4. Ala nunga boi hita manjae Datu Pannganagana, nda las ma roha ni Op Raja Ijae molo manjae hita? Boi do muba molo sian dos ni tahi ni kedua pihak aut sura ma rupani adong padan ni angka ompuna najolo, ala tujuanta na masipasangapan do, dang na laho masipaleaan. Nunga tarida bukti ni sisongon i di hita Lumbantobing nuaeng, ima taringot tu Dongan Tubu hian tagorahon tu pinompar ni Op Najurjur, hape nunga be tarjalo hita mandok Hahadoli Pomparan ni Op Najurjur.
  5. Beha ma bahenon masihaolan dohot Anggi-partubu niba pompaan ni Op Lampas dalam keadaan songon sisaonari on?
  6. Beha ma panurathonon ni pomparan ni par-Simanampang tu joloan on molo sai songon sisaonari on? Gabe mar-Abang ma iba tu si Maringan hape Amangtua niba do? Dang holan antar hami na dua songon i! Tarpasombu hita do songon on?
  7. Di na so binoto muna hamu pomparan ni Op Lampas anggi doli ni pomparan ni Op Nangon, godang do hahansiton dohot hadangolon hutaon hami ala ni sinuaeng on. Alai memang maol do antusan muna i, ai hami do na mangkilalahon langsung.

Hudok ma di hamu angka haha-anggi khususna pomparan ni Op Lampas dohot dongan na so apala sapadapot dope dohot par Simanampang, ndang hea ahu marsalisih manang marbadai dohot keluarga ni Lumbantobing. Boi do luluan muna sada halak manang sada keluarga, molo adong na marsalisi manang marbadai dohot ahu, dang dapot hamuna i.

Mansai bagas, mansai bidang jala mansai dao do huranap sian najolo i, tarigot tu persoalan on. Apala aha do na marsigorgor di rohangku?

  1. Ahu yakin, jala menghargai na nidok ni angka natua-tua khususna na di Simanampang.
  2. Mansai sihol do rohangku marsada dohot pomparan ni Op Lampas na tading di Parbubu Pea, alai arga ma nian par-Simanampang di roha ni pomparan ni Op Lampas, ala hahamuna do pomparan ni Op Nangon par-Simanampang.
  3. Ai ndang adong pihak na so mangokui Datu Pangganagana magodang di tabu-tabu na sinuan ni Namorahian, ba sumintong ma antong bahenon di Tarombo anak ni Namorahian. Nian dang apala sintong na i be sihataan, alai asa jumpang do Visi ni sude marga Lumbantobing i ma: “Uli na i, denggan na i, molo rap sahudulan na marhaha maranggi”
  4. Ndang sala hita pomparan ni Datu Pangganagana mangido manjae tu Op RajaIjae, ala balga do roha ni hahana, molo dung boi manjae anggina na metmet i hian. Alai dohot syarat, ingkon sangap do bahenonta hahanta Op Raja Ijae, Op Bonandolok dohot Op Parumaea, ai hita do siampudan. Jala di jolo nasida ma nian hatahononta na giot manjae manang berdiri di atas kaki sendiri hita.

On ma pemikiranku angka Amang, songon i ma nian jalan keluarna, jala yakin do ahu ndang adong na marhansit ni roha, ndang sega system kekeluargaan, jala sude ma hita pomparan ni Ompunta, dang holan pomparan ni Datu Pangganagana alai sude do Pomparan ni Siraja Lumbantobing boi marsurak-surak marlas ni roha, ala boi sahundulan dengan rukun hita angka na mahaha maranggi.

Dang apala adong kemampuanku lumobi ma kemampuan ekonomi, alai nihilala buah pikiranhon tung mansai arga do.

Dang ala ni malongku umbahen tarsurathon iba on, alai ala na sai pinahusor-husor do di rohaniba, ndang salpu ari molo dang hupingkiri persoalanta on, ai lam sonson do angka hamaolon na ro tu angka ari na naeng ro.

Asa yakin hamu angka Amang, coba hamu ma jolo merasakan na hurasahon on: Tingki na monding angginiba Ir. Bernat L Tobing di Jl Mongonsidi Jakarta, dang boi iba dohot mananom (secara adat), ai gabe pamereng-mereng do ahu na boi. Ro do ahu ditingki i, alai di bariba dalan Jl Mongonsidi seberang ni jabu (rumah duka) i do. Ndang sude tarhatahon iba dison boasa ingkon songon i.

Unang ma sai meretong etongan na maninga (sepren) hita, hape tamba-tamba dohot mangorui pe dang taantusi dope. (Bagaimana mungkin kita mampu mencari hasil ²log 8 = ..... , jika jawaban dari 2 x 2 x 2 = ...... , belum mampu kita menemukanya?).

Tangkas do anak ni St Gerhat L Tobing do ahu si Almudin L Tobing, jala anak ni Gr Justin L Tobing do Ir. Bernat L Tobing, apala tinodohon ni St Gerhat do Gr Justin, jadi tardok apala anggingku do si Bernat, hape holan pamereng-mereng do ahu diparmonding ni si Bernat, ala ni perbedaan pendapat di Tarombonta.

Unang ma didok manang ise na so holong rohaniba tu Ir Bernat L Tobing, ai Tuhanta do na umbotosa i. Nunga jumolo monding Si Bernat, beha ma molo matua Anggiboru manang angka Ibotoniba tinodohonna, gabe beha ma posisi ni iba? Hot do songon di tingki parmonding ni angginiba si Ir. Benat L Tobing i ? Jolo sega do sude? Manang jolo tiris do mudar? Nunga magodanghu kalori na marbolongan manang pengorbanan taringot tu persoalan on, alai dang piga hita Lumbantobing huroha mangantusi.

Hasosombopon do ahu angka Amang dohot di hamu Haha-anggi nang di hamu Raja Panjaha surat on, di tingki manurat surat on. Martangiang do ahu asa dipatiur Tuhanta, asa jumpang di hita songon na didok di Pslm : “ Ulina i, denggan na i, molo rap sahundulan na marhaha maranggi” dohot di ende : “Pasu-pasu na godang, i ma roha na sonang”

Jakarta, 5 April 2010

Pkl 11.24

St. Drs. Almudin L Tobing

(Bp Nita)